کراچی (رنگ نوڈیسک )اعلیٰ ثانوی تعلیمی بورڈ کراچی نے انٹرمیڈیٹ سائنس پری میڈیکل اور میڈیکل ٹیکنالوجی کے سالانہ
امتحانات برائے 2019 کےنتائج کااعلان کردیا۔
انٹربورڈ کےچیئرمین پروفیسرانعام احمد نےان امتحانات میں پوزیشن حاصل کرنے والےطلباءکااعلان کرتےہوئے بتایا کہ سائنس پری میڈیکل گروپ کے امتحانات میں دہلی گورنمنٹ کالج کے اسامہ علی ولد محمد علی رول نمبر 301653 نے 1100میں سے 1010نمبرز اے ون گریڈ حاصل کر کے پہلی پوزیشن حاصل کی،بی اے ایم ایم پی ای سی ایچ ایس گورنمنٹ کالج فارویمن کی جویریہ خان بنت محمد کلیم خان رول نمبر 319307 نے 1001 نمبرز اے ون گریڈ کے ساتھ دوسری پوزیشن جبکہ اسی کالج کی حفصہ ندیم بنت ندیم احمد خان رول نمبر 319276 نے 996 نمبرز اے ون گریڈ کے ساتھ تیسری پوزیشن حاصل کی۔
قائم مقام ناظم امتحانات شجاعت ہاشمی نے نتائج کی تفصیلات بتاتے ہوئے کہا کہ سائنس پری میڈیکل کے امتحانات میں 25807امیدواروں نے رجسٹریشن حاصل کی جبکہ 25352امیدوار امتحانات میں شریک ہوئے جس میں سے 12609امیدوار کامیاب قرار پائے اس طرح کامیابی کا تناسب 49.74 فیصد رہا۔ ان امتحانات میں 1547طلباء اے ون گریڈ، 3479 اے گریڈ، 3736 بی گریڈ، 2818 سی گریڈ، 1001 ڈی گریڈ اور 28امیدوار ای گریڈ میں کامیاب قرار پائے۔
انہوں نے مزید بتایا کہ میڈیکل ٹیکنالوجی کے امتحانات میں 3امیدوار رجسٹر ہوئے جبکہ 2امیدواروں نے امتحانات میں شرکت کی جس میں سے ایک امیدوار سی گریڈ میں کامیاب قرار پایا۔
