زین صدیقی

رمضان المبارک کا مقدس مہینہ جاری ہے یہ وہ بابرکت مہینہ ہے جس میں لوگ اپنے لیے رحمت ،مغفرت اوردوزخ سے نجات کیلئے

جدوجہدکرتے ہیں اورروزہ رکھ کر اپنی نفس کی تربیت عمل میں لاتے ہیں ۔ویسے تو اللہ کے نیک بندے ساراسال ہی نیکی کے کاموں میں مشغول رہتے ہیں ،لیکن رمضان میں سنت کا ثواب فرض اور فرض کا اجر 70گنا بڑھ کر ملتا ہے ،اسی لیے لوگوں کی کوشش ہوتی ہے کہ نیکی کے عمل سے ماہ رمضان المبارک کا کوئی لمحہ خالی نہ جائے اوراس کیلئے لوگ جستجو بھی کرتے ہیں ۔بات نیکی کے حصول اورخدمت کی ہوتو الخدمت کسی سے پیچھے نہیں جو سارا سال لوگوں کی خدمت میں مصروف رہتی ہے ۔پاکستان کی صف اول کے فلاحی ادارہ ہونے کے ناطے وہ جہاں کفالت یتامیٰ، تعلیم ،مواخات ،ڈیزاسٹر مینجمنٹ اورکمیونٹی سروسز کے شعبے میں اپنی شاندار خدمات کی ایک طویل فہرست رکھتی ہے ،وہا ں صحت کے شعبہ میں اس نے گراں قدر کاموں سے اپنا نام بنایا ہے ۔
ملک میں کورونا وائرس کی وبا پھیلی تو الخدمت نے اپنی خدمات کا دائرہ وسیع کردیا اورمیدان عمل میں آگئی ۔اس نے کورونا کی آزمائش میں ابتدائی طور پر شہر قائد میں احتیاطی تدابیرپر مبنی بینرزآویزاں کیے ۔شہر کی مساجد اوربازاروں اورعلاقوں میں وہاں بڑی تعداد میں لوگوں کو ہینڈ سینٹائزر،ماسک ،ہینڈ واش تقسیم کیے اور لوگوں کو امرض سے متعلق آگہی فراہم کی ۔
الخدمت نے شہر کے مختلف علاقوں میں راشن مراکز قائم کیے جہاں سے لاکھوں راشن کورونا وائرس کے سبب ہونے والے لاک ڈاو¿ن سے متاثرہ دہاڑی دار،سفید پوش اور ضرورت مندوں کے گھروں تک پہنچایا گیا۔الخدمت کی جانب سے پسماندہ اورغریب آبادی والے علاقوں میں مزدروں محنت ،کشوں،یومیہ اجرت کمانے والے افراداورخاندانوں کے ساتھ کراچی کینٹ اسٹیشن پر قلیوں اور منوڑہ میں ماہی گیروں کو بھی راشن پہنچایا گیا۔جبکہ کھانا بھی تقسیم کیا گیا ۔لاک ڈاو¿ ن کے باعث پریشانی کا شکارلوگوں کے گھروں تک تازہ سبزیاں اورمرغی وگائے کاہزاروں من گوشت پہنچایا ۔شہر میں سستی روٹی کی فراہمی کیلئے تنور قائم کیے گئے جہاںسے 5روپے کی روٹی فراہم کی گئی ۔
الخدمت کی تاریخ رہی ہے کہ اس نے مشکل گھڑی میں ہمیشہ ملک وقوم کی شانہ بشانہ کھڑے ہو کر خدمت کی ہے اوراس کی خدمت کسی رنگ ونسل اور تفریق کی بغیر رہی ہے ۔اس کی روشن مثال ہمیں 2005کے زلزلے میں بھی ملی ۔آج ایک بار پھر الخدمت نے خدمت کا نیاباب رقم کیا ہے۔ اس میں الخدمت کے صدر حافظ نعیم الرحمن اورالخدمت کی پوری ٹیم نے اپنی بے مثال خدمات پیش کیں اور کسی چیز کی پروا کیے بغیر آگے آئے ۔وہ چرچز میں گئے اوروہاں عیسائی رہنما و¿ں سے ملے اور انہیں لاک ڈاو¿ن سے متاثر ہونے والی عیسائی برادری کیلئے راشن بیگ فراہم کیے ۔
جبکہ الخدمت نے بڑے پیمانے پر شہر کی مساجد، امام بارگاہوں ،گرجا گھروں ،مندروں ،بازاروں ،سرکاری وغیر سرکاری اسپتالوں ،ملوں اورفیکٹریوں ،سرکاری طور پر قائم کیے گئے، آئسولیشن سینٹرز میں جراثیم کش ادویہ کا اسپرے کروایا ۔
ان سار ے کاموں کے ساتھ الخدمت اب بھی میدان عمل میں ہے اورلوگوں کی بھرپور مدد کر رہی ہے ،مگر ایک شعبہ ایسا بھی ہے جس میں الخدمت کے کام نے اسے فرنٹ لائن سپاہی کے بجائے کیپٹن بنا دیا ۔الخدمت نے کورونا وائر س کے پاکستان میں آتے ہی حکومت کو اپنے 10اسپتالوں کی رضاکارانہ خدمات کی پیش کش کی تھی،جبکہ پاکستان ڈیزاسٹر مینجمنٹ اتھارٹی کوکورونا وائر س کے پھیلاو¿ کوروکنے اورامدادی کاموں کیلئے اپنی ہزاروں رضاروں پر مشتمل فوس کا تعاون پیش کیا تھا ۔
الخدمت نے اس شعبہ صحت میں وہ مثالی کام کیا ہے، جس کی توقع لوگ حکومتوں سے کیا کرتے ہیں ۔شہر کے سرکاری اسپتالوں سے ہمیں یہی بازگشت سنائی دیتی رہی کی کہ ان کے پاس حفاظی لباس یا آلات نہیں ہیں ۔الخدمت نے آگے بڑھ کر یہ کام کیا اور نہ صرف نجی بلکہ سرکاری اسپتالوں میںحفاطتی لباس فراہم کیے ۔
امیر جماعت اسلامی حافظ نعیم الرحمن نے رکن سندھ ا سمبلی سید عبدالرشید، ڈائریکٹرکوروناریلیف قاضی سید صدرالدین ،ڈائریکٹر شعبہ صحت ڈاکٹر اظہرچغتائی،ایگزیکٹوڈائریکٹرراشدقریشی اور امیرجماعت اسلامی ضلع وسطی منعم ظفرجناح اسپتال،عباسی اسپتال،نیشنل انسٹیٹیوٹ آف چائلڈہیلتھ (NICH)،سول اسپتال ،سندھ گورنمنٹ لیاری جنرل اسپتال ،چلڈرن اسپتال شادمان ٹاو¿ن ،قطراسپتال ،گزدرآباداسپتال،الخیراسپتال،ہولی فیملی اورالخدمت فریدہ یعقوب اسپتال کادورہ کیااوروہاںذمہ داران سے ملاقاتیں کیں اورانہیں ڈاکٹرزاورپیرامیڈیکس کیلئے (PPE)کٹس کا تحفہ پیش کیا اورالخدمت کی جانب سے اپنے مکمل تعاون کی یقین دہا نی کروائی ۔تمام اسپتالوں کے ذمہ داران اور ڈاکٹرز نے الخدمت کی اس کاوش کو سراہا ۔
یہ اہم اور بڑاموقع تھا جب الخدمت نے اپنی ذمہ داری کا احساس کرتے ہوئے ننہ صرف نجی بلکہ سرکاری اسپتالوں میں مہنگے حفاظتی لباس فراہم کیے ۔الخدمت نے اپنے پشاور،رحیم یار خان اورملک بھر میں موجود دیگر اسپتالوں کیلئے30 وینٹی لیٹرزبھی فراہم کیے جبکہ بڑی تعداد میں) (PPEکٹس بھی فراہم کیں ،تاکہ ان اسپتالوں میںڈاکٹرو اور پیرامیڈیکس کی زندگیوں کو محفوظ بنایا جا سکے اوریہی وجہ ہے کہ الخدمت اس سلسلے میں مسلسل کام کررہی ہے ۔
الخدمت کے کراچی میں 5ہزار جبکہ ملک بھر میں 25ہزاررضاکار ہمہ وقت خدمت میں مصروف ہیں ،جو مستحسن انداز میںخدمات انجام دے رہے ہیں ۔الخدمت نے اپنے اسپتالوں میں خدمت انجام دینے والے ڈاکٹروں اور پیرامیڈیکس کو دوران علاج حفاظتی اقدامات سے متعلق آگہی کیلئے ورکشاپس کا اہتمام کیا تاکہ وہ مشکل صورت حال میں خود کو محفوظ رکھتے ہوئے مریضوں کو علاج کی سہولتیں فراہم کریں ۔
الخدمت کی دیگر شعبہ جات کی طرح صحت کے شعبے میں خدمات کو بھی قدر کی نگاہ سے دیکھا جا رہا ہے اورلوگ اس کے تمام کاموں کی ستائش کررہے ہیں ۔الخدمت کی جانب سے رضائے الٰہی کے حصول کیلئے خدمت کا یہ سفر تو شاندار انداز میں جاری ہے، مگر ضرورت اس امر کی ہے کہ صاحب ثروت افراد اس سفر شریک ہوں اورلخدمت کے اس نیک مشن میں اس کا بھرپورساتھ دیں۔