اسلام آباد ، کراچی ،لاہور،ملتان (رنگ نوڈاٹ کام )ملک بھر میں کشمیریوں سے بھر پور اظہار یکجہتی ،شہر شہر ریلیاں نکالی
گئیں ،کشمیریوں کے حق ,بھارت اور انتہا پسند مودی کیخلاف شدیدنعرے بازی کی گئی ۔
وزیر اعظم پاکستان عمران خان نے ملک بھر میں کشمیریوں سے اظہار یکجہتی کیلئے گھروں اوردفاتر سے نکلنے کی اپیل کی تھی اورکشمیریوں سے اظہار یکجہتی کا اعلان کیا تھا ،ٹھیک 12سے ساڑھے 12بجے تک قوم نے کشمیر آوور منایا۔ملک بھر میں 12بجتے ہی ٹریفک روک دی گئی ،پاکستان اورکشمیر کے قومی ترانے بجائے گئے اس موقع پر لوگو ں کا جذبہ دیدنی تھا ۔ملک بھر کے دفاتر ،پی آئی اے،ایئر پورٹس پرقائم دفاتر سمیت دیگر دفاترمیں جاری کام آدھا گھنٹہ روک دیا گیا۔
اسلام آباد میں شاہراہ دستور پر مرکزی تقریب ہوئی ،ارکان پارلیمنٹ اوروزرا شریک ہوئے ،وزیراعظم نے پارلیمنٹ کے لان میں طلبااورنوجوانوں سے خطاب کیا ۔
لاہورشہریوں کے ساتھ وزیر اعلیٰ پنجاب عثمان بزدار،صوبائی وزرااور اراکین اسمبلی سڑکوں پر نکلے اور کشمیریوں سے بھرپور اظہار یکجہتی کیا۔
کراچی میں جماعت اسلامی سمیت دیگر سیاسی جماعتوں اورسماجی تنظیموں اورطلبہ وطالبات نے ریلیاں نکالیں،جماعت اسلامی کی ریلی ادارہ نورحق سے نکالی گئی جو مزارقائد پہنچی ،ریلی میں بڑی تعداد میں جماعت اسلامی ،اسلامی جمعیت طلبہ ،جماعت اسلامی حلقہ خواتین کی کارکنان اورطلبہ واساتذہ شریک تھے ،ریلی کی قیادت حافظ نعیم الرحمن نے کی ڈپٹی سیکریٹری جنر ل راشد قریشی اورزاہد عسکری ودیگر رہنما موجود تھے ،ریلی میں کشمیریون سے رشتہ کیا لاالہ اللہ ،کشمیربنے کا پاکستان اورانتہا پسند مودی کیخلاف نعرے لگا ئے گئے ،کراچی میں لوگ مزارقائد پر جمع ہوئے ،شاہرفیصل پر طلبہ وطالبات کی بڑی تعداد موجود تھی جہاں اسکول کے اساتذہ بھی موجود تھے ،کشمیراور پاکستان کا پرچم ،پلے کارڈز تھامے بھارت کیخلاف اورکشمیریوں کے ھق میں نعرے لگا رہے تھے۔
ملتان سمیت ملک کے دیگر شہروں میں لوگ دفاتر اور گھروں سے سڑکوں پر نکل آئے اورمظلوم کشمیریوں سے بھرپور اظہار یکجہتی کیا اور بھارت اورانتہا پسند مودی کو واضح پیغام دیا کہ ہم مظلوم کشمیریوں کے ساتھ ہیں اور انہیں تنہا نہیں چھوڑا جائے کا ،آزادی ان کا حق ہے اورانہیں آزادی دلائی جائے گی۔
