کراچی(رنگ نوویب ڈیسک)کراچی کے مسائل کےحل کیلئےوزیر اعظم عمران خان کی جانب سے بنائی جانے والی حکمت عملی
کمیٹی کا اجلاس پیرکوچیئرمین کمیٹی وفاقی وزیر برائے قانون فروغ نسیم کی صدارت میں ہوا۔
اجلاس میں وفاقی وزرا خالد مقبول صدیقی، فیصل واوڈا،میئر کراچی وسیم اختر،امین اُلحق، حلیم عادل شیخ،فردوس شمیم نقوی، آفتاب صدیقی، خُرم شیرزمان، ارشد حسین شریک ہوئے۔
اجلاس تین گھنٹے تک جاری رہا۔ اجلاس میں کراچی کے مسائل اور انکے حل کیلئےتجاویز زیرغور کیا گیا۔وفاقی حکومت کی کمیٹی کراچی میں انتظامی مسائل کیلئےسفارشات مرتب کرےگی۔
کمیٹی کراچی میں درپیش پانی، گندگی، سمیت دیگر مسائل پر رپورٹ بنائی گی۔ ابتدائی طور پر بارہ رکنی کمیٹی تشکیل دے دی ہے کمیٹی کا نام کراچی اسٹریٹیجک کمیٹی ہوگا چھ ممبران ایم کیو ایم اور چھ پی ٹی آئی کے ہوں گے۔
پی ٹی آئی کے حلیم عادل شیخ کو فوکل پرسن بنایا گیا ہے جبکہ ایم کیو ایم پاکستان کی جانب سے امین الحق فوکل پرسن ہوں گے۔ میڈیا سے بات چیت کرتے ہوئے فروغ نسیم نے کہا کراچی کے مسائل پر وزیر اعظم نے کمیٹی بنائی ہے۔ کراچی گزشتہ 11 سال میں کراچی کے مسائل پر توجہ نہیں دی گئی۔
انہوں نے کہا کہ کراچی میں کچرے سمیت دیگر مسائل ہیں، کراچی کو بچانا ہے تو جلد مسائل مستقل بنیادوں پر حل کرنا ہوں گے۔ کراچی میں کچرا اٹھانا اور ڈمپنگ پوائنٹ تک پہنچانے کے لئے مستقل حل نکالنا ہوگا،انہوں نے کہا کہ ہنگامی بنیادوں پر اجلاس طلب کیا اور معاملات پر غورکیا ہے۔اس وقت کراچی میں پانی کی سنگین صورتحال ہے، ماس ٹرانزسٹ، بجلی، گندگی سمیت دیگر مسائل ہیں بہت جلد یہ کمیٹی اپنی سفارشات وزیر اعظم کے سامنے رکھے گی۔
