نیویارک :وزیر اعظم عمران خان نے کہا ہے کہ بھارت نے مقبوضہ کشمیر کے 80لاکھ لوگوں کو محصور کررکھا ہے،وہاں
53روز سے کرفیو ہے ،کرفیوہٹا تو خونریزی کا خدشہ ہے ۔مودی آرایس ایس کے نظریات پر عمل پیراہے ۔آرایس ایس کو بھارت میں تین بار دہشت گرد تنظیم قرار دیا گیا ۔مقبوضہ کشمیر کا مستقبل کشمیریوں کو طے کرنا ہے ۔
نیویارک میں ایشیا سوسائٹی کی تقریب سے خطاب کرتے ہوئے وزیر اعظم عمران خان کا کہنا تھا کہ نائن الیون کے بعد پاکستان پر دہشت گردی کی جنگ مسلط کر دی گئی ،ہم نے دہشت گردی کے خاتمے کیلئے بھرپور اقدامات کیے ،ملک کو کسی مسلح گروہ کو کام کرنے کی اجازت نہیں ۔
انہوں نے کہا کہ افغان مسئلہ کے حل میں کردارادا کرررہے ہیں،ماضی میں امریکا ومغرب نے مجاہدین کی بھرپور مدد کی،جب یہ مجاہدین روس سے افغانستان گئے تودہشت گردبن گئے،دہشت کردی کی وجہ سے پاکستان کی سیاحت متاثر ہوئی ۔
وزیر اعظم عمران خان نے کہا کہ پاکستان نے بھارتی جارحیت کا بھرپورجواب دیا،اس نے فضائی حدود کی خلاف ورزی کی توپاکستان نے اپنا دفاع کرتے ہوئے اس کے دو طیارے مارگرائے ،آدنیا تسلیم کرتی ہے دو قومی نظریہ کی بیاد درست تھی۔
انہوںنے غربت وبے روزگاری دنیامیں سب کا مسئلہ ہے ،لوگ ٹیکس ادا نہیں کرتے اس خمن میں ایف بی آربھرپور اقدامات کررہا ہے ،پاکستان سے غربت کا خاتمہ اولین ترجیح ہے ،دنیا سے سنجیدہ تعلقات ہمارا ایجنڈا ہے ،قائداعظم عظیم لیڈر تھے ۔
وزیر اعظم نے کہا کہ مدینہ کہ ریاست دنیا کی جدید ترین ریاست تھی ،اس میں سب انسانوں کو حقو ق حاصل تھے ۔ایران کے مسئلہ پر ثالثی کیلئے تیار ہیں ،سی پیک سے بھارت اور ہمسایہ ملکوں کو پریشانی ہوئی ۔
