
کراچی(تعلیم ڈیسک )ڈائریکٹر جنرل پرائیوٹ انسٹی ٹیوشن سندھ ڈاکٹر منسوب
حسین صدیقی نے سندھ بھر کے تمام نجی تعلیمی اداروں کو ہدایت کی ہے کہ وہ کرونا ایس او پیز پر سختی سے عمل درآمد کریں اور طلبہ کی 50فیصد حاضری کو یقینی بنائیں۔
ڈائریکٹر جنرل پرائیوٹ انسٹی ٹیوشن نے مزید کہاہے کہ محکمہ تعلیم سندھ کی اسٹیرنگ کمیٹی کے فیصلے کے مطابق تمام نجی تعلیمی ادارے جماعت نرسری تاہ ہشتم کے سالانہ امتحانات 7جون 2021ءسے شروع کریں گے اور 26جون 2021ءکو نتائج جاری کریں گے، جبکہ اسٹیرنگ کمیٹی کے فیصلے کے تحت یکم جولائی سے31جولائی تک گرمیوں کی تعطیلات ہوں گی اور نئے تعلیمی سال کا آغاز 2اگست 2021ءسے ہوگا۔ لہذا تمام نجی تعلیمی ادارے دئیے گئے شیڈول پر عمل درآمد کریں۔ خلاف ورزی کرنے والے نجی تعلیمی ادارے کے خلاف قانون کے مطابق کارروائی کی جائے گی۔




































