نگہت پروین
جمعے کے دن مسجد میں درس ہوتاتھا میں وہاں جاتی تھی ،اتنی اچھی محفل تھی کہ کسی جمعہ ناغےکا نہ سوچا ،خواتین اتنی
اچھی طرح ملتیں،،دعاؤں کے ساتھ استقبال ہوتا اورالوداع کہاجاتاپھر پتہ چلا ان خواتین کا تعلق !!! جماعت اسلامی!!!سےہے اورہرجمعہ کا درس ان کے شیڈول کا حصہ ہے۔ میں نے یہ بھی دیکھا کہ چھوٹے چھوٹے بچے بھی ساتھ ہوتےہیں مگر درس کےدرمیان اگر وہ تنگ کریں تودوسرے اسے سنبھال لیتے ہیں ،جیسے ان کے اپنے بچے ہوں اور پھر دروس میں شرکت نے یہ بھی سمجھایا کہ یہ جماعت صرف دینی ہی نہیں دنیا کی کامیابیوں اور اپنے حصےکا کام کرنے کا پورا پورا ادراک دیتی ہیں ۔ ایک دوسرے کا خیال کبھی کوئی کمی یا پریشانی یا کوئی مسئلہ درپیش ہواتوبہنیں ایسےآگے بڑھتی ہیں جیسےسگی بہن یا بہترین دوست ہوں ۔
مجھےاپنا آپ محفوظ اورقابل عزت محسوس ہوا.اس جماعت میں کیا بچے،کیا جوان ،کیابوڑھے سب ایک دوسرے کےدوست ہیں سب کےمسئلے پریشانیاں سانجھی ہیں ،کوئی کسی کو اکیلا نہیں چھوڑتا، اگرایک مصروف ہے تو دوسری بہن نے آگےبڑھ کراس کےکام کو سنبھال لیاگویا ایک دوسرے کےبازو ہیں محبت بے لوث ملی پیار بے غرض ملا سوچتی ہوں اللہ نے احسان کیا، اس اجتماعیت سے جوڑدیا مجھےمختلف پروگراموں میں شرکت کے لیےہر طرح سے مدد کرنا ایثاراورقربانی دیکھنےکوملتاہے۔
جماعت اسلامی نےمیری تربیت کے لیےسلیبس تیارکرتی ہے،اس کے پیچھے کتنی محنت اورمشقت کےساتھ پیار اور ہمدردی ہےکیونکہ مجھےکئی رکوعات اور آیات صرف اس سلیبس کی تیاری کےنتیجے میں یاد ہو گئے اورہرمہینے ہمارے لیےہمارے اکابرین کس توجہ اورلگن اورمحنت سےاسے تیار کرتے ہیں ۔ اس کا اندازہ اپنے روٹین پر نظر ڈال کر ہوتاہےکہ ڈائری میں لکھنااوراجتماع کارکنان میں رپورٹ دینا ہےتو اپنی عبادات اپنےروزمرہ کے کام گھرمیں سب سے رابطہ سب میں ایک ہم آہنگی آگئی ہے،بہت ساری دعائیں اورقرآن کےترجموں سےاپنےاعمال کی چیکنگ آگئی ہے۔
میرے ساتھ ہی اتنےاچھےاتنےمخلص اتنےبےلوث محبت کرنےوالےہیں۔ میری نشرواطاعت کی ناظمہ کی بات میرے دل میں گھرکرگئی ۔ میں نےکہا کہ میں نےاتنا اتنا اور ایسا ایسا لکھا مگر اخباریا کسی رسالے میں چھپا نہیں توانہوں نے کہا کہ فکر نہ کریں قلم کی طاقت اوراس کا حق ادا کرکےاس قلم کی گواہی اللہ نےدیکھ لی بس اب چھپےیا نہ چھپے۔۔۔ کتنی زبردست بات سمجھا دی ایسےدوست توقسمت والوں کوملتے ہیں اورمیں اس معاملےمیں بہت خوش قسمت ہوں ۔
میری قیادت کےافراد اللہ ان کی حفاظت فرمائے۔
عوام کی ہرمشکل ترین مسئلےکے لیےنہ دن دیکھیں نہ رات،نہ سردی،نہ گرمی، نہ بارش ،نہ طوفان ہردم چاق وچوبند وہ بھی فیملی والےہیں مگرقربان جائیے کہ اللہ کے احکام ادا کرنے اور جس جس مرتبے پر ہیں اس کی جواب نہیں کہ احساس نےانہیں قوی اوربہادر بنا دیا ہے ۔ سب کو ساتھ لے کرچلتے ہیں ،سب کے درمیان رہتے ہیں ، ایسا ہرگزنہیں کہ کوئی بات جماعت کے امیر سے کہنی ہو تو ٹائم لیا جائے گا یا درمیان میں دس لوگوں کی سفارش ہوگی بلکہ نظام ہی ایسا ہے کہ جب بھی جو فرد چاہےاپنے امیرسے سہولت سے بات کر سکتا ہےکیونکہ وہ اونچےمحلوں میں رہنے کے بجائے عوام کے درمیان پائے جاتے ہیں ۔ جماعت اسلامی کی دعوت اتنی واضح،مکمل،جامع اور با عمل ہےجس میں والدین کی خدمت کو بھی اورخدمت انسانیت کوشعار بنانے کی ہدایت ملتی ہے۔
اللہ کے بندے بدو اورمنافقت سےبعض رہوزمام کارصالحین کےہاتھ میں دوپوری زندگی اللہ کی بندگی کا نمونہ بنو۔
کچی بستیوں میں جا کرقران پڑھانا بڑاانوکھا تجربہ تھا جماعت ہر سطح پر دین کا کام کر رہی ہےاورساتھ میں دنیا سنوارنے کی تربیت بھی بیٹھا کس اسکول کی تعلیمی مصروفیات،خواتین کے لیے پروگرام، یوتھ پروگرام غرض ہر میدان میں مصروف عمل ہے۔ یہ جماعت اوراس کے افراد صرف اپنی ہی نہیں بلکہ خاندانوں پڑوسیوں اپنےدوستوں اور رشتہ داروں سب میں یکجہتی اوردین کےساتھ دنیا کو نبھانے کا ایسا انمول نمونہ پیش کرتی ہے جس کی مثال نہیں ملتی ۔
جماعت اسلامی کی تاسیس کا آج دن ہے،اتنا لکھنے پر بھی میں شاید جماعت کی صحیح ترجمانی نہیں کرسکی کیونکہ جماعت اس سےبھی کہیں بڑھ کر اپنا کردار ادا کر رہی ہےمگر اس جماعت کی بدولت میری زندگی بہت بدل گئی کیونکہ میری جماعت نےمجھے سکھا دیا کہ اللہ کے سامنے جواب دہی کا احساس ہردم ہوگا تو امر بالمعروف اور نہی عن المنکر کا کام آسان ہوجائے گا۔ کرپشن سے پاک دین و دنیا کی کامیابی کی ساتھ ہی یہ جماعت اللہ اس جماعت کا اور اس کے ہر فرد کا حامی و ناصر ہو ۔ آمین ثم امین
