نگہت پروین
عقیدہ ختم نبوت ہمارا ایمان ہے
یہ عقیدہ ہے کیا؟
سورہ احزاب کی آیت 33 میں اس کا جواب ہے۔ محمد صلی اللہ علیہ والہ وسلم مردوں میں سے کسی کے باپ نہیں بلکہ وہ خاتم النبیین ہیں۔
خاتم کے معنی مہر لگانے والے،انبیاء کے سلسلے کو محمد صلی اللہ علیہ والہ وسلم نے خاتم یعنی مہر لگا دی ہے ۔
ہر نبی کے آنے کے بعد دوسرا نبی اس لیے آیا کہ لوگ گمراہ ہو جاتےتھے ہر نبی ہرقوم کے لیے بھیجا گیا لیکن،،،کافۃ الناس،،،تمام انسانوں پر نبی کریم صلی اللہ علیہ والہ وسلم کو رسول بنا کر بھیجا۔ نئے نبی اور نبی کی شریعت خاص وقت کے لیے ہوتی تھی مگر تا قیامت ہر دور ہر لحاظ سے محمد صلی اللہ علیہ والہ وسلم کی تعلیمات مکمل ہیں ۔
احادیث کی روشنی میں ختم نبوت
بخاری کی حدیث ہے میں خاتم النبیین ہوں اب کوئی نبی نہیں آئے گا،احادیث مبارکہ میں آتا ہے کہ میرے بعد کوئی نبی نہیں ہوگا بلکہ خلفاء ہوں گے۔جیسے ایک عالیشان عمارت بنائی مگر ایک اینٹ کی جگہ خالی تھی لوگ حیران تھے محمد صلی اللہ علیہ والہ وسلم نے کہا کہ یہ میری جگہ ہے اب نبوت ختم (ترمذی بخاری)
نبی صلی اللہ علیہ والہ وسلم کو اللہ تعالی نے خصوصی طور پر چھ چیزیں دیں۔
میرے لیے زمین کو مسجد بنا دیا
ایک مہینے کی مسافت پر مجھے رعب دیا گیا ہے
مال غنیمت مجھ پر حلال کیا گیا
اللہ نے مجھے تمام دنیا کے انسانوں کے لیے رسول بنایا ہے
میرے اوپر تمام انبیاء کا سلسلہ ختم ہو گیا
میری امت کے لیے تیمم کا تحفہ دیا
یہ وہ واضح احادیث ہیں جس سے ختم نبوت کا عقیدہ واضح ہو گیا ۔
یہ عقیدہ کیوں اہم ہے؟
قران و حدیث کے بعد کوئی عقیدہ لائےیا ایمان لانے والا ہو یقین نہ کرے تو وہ اسلامی حکومت سے خارج ہوں گے۔ اب ہم سیرت کی طرف رجوع کرتے ہیں ،وہ شخص جس نےجھوٹ بولا اورکہا کہ میں نبی ہوں وہ مسلمہ کذاب تھا، اس پر بے شمار لوگ ایمان لائے یہ فتنہ تھا کہ لوگوں کو ایمان سے پھیردیا اس کے ساتھ جنگ کرنے کے لیے لشکر تیارہوا بڑے بڑے صحابہ کرام موجود تھے۔ خالد بن ولید سردار تھے، 15ہزار صحابہ شہید ہوئے، اتنی بڑی تعداد میں کسی دوسری جنگ میں صحابہ شہید نہیں ہوئے تھے۔ قرآن کی ترتیب اسی جنگ کےبعد فیصلہ ہوا جھوٹا دعوی نبوت رکھنےوالا کافر ہے اس سے جنگ ہوگی، الا یہ کہ وہ ایمان لےآئے ۔
قادیانیوں کا فتنہ
دراصل انگریزدورکی پیداوار ہے،انگریز نےاسے بڑھایا اورپھیلایا۔ وہ شخص پہلے عقائد میں صحیح تھا مگر اس نے کچھ عرصےبعد نبوت کا دعویٰ کیا پھرخدائی کا دعویٰ کیا اصل مسئلہ یہ ہےکہ مسلمانوں کوان کے دین اور ایمان سے پھیرنا ان کا مشن، ان کی کوششیں اوران کا کام ہے
یہ بغض اور کدورت کی وجہ سےایمان نہ لائے اور مسلمانوں کو بھی اس سے پھیرنے پرلگے ہوئے ہیں۔ یہ مسلمانوں کےحلیے میں ہوتے ہیں، عبادات بھی اسی طرح کرتے ہیں اور انگریز ان کو فنڈنگ کرتے ہیں۔
مرزا طاہر قادیانی آج ان کا قائد ہے۔ یہ اپنے آپ کو مسلمان کہتے ہیں، جب پاکستان بن رہا تھاتوانہوں نےاپنےآپ کوغیر مسلم کہا ۔بھٹو کے دور میں قادیانیوں کو غیر مسلم قرار دیا گیا ۔،،پارلیمنٹ میں ایک حلف نامہ داخل کرنا ہوتا ہےکہ میں ختم نبوت پر ایمان رکھتا ہوں ۔بڑی خاموشی سے قوانین میں تبدیلی کرلی گئی اور بچوں کے کورس سے خاتم النبین کےالفاظ بدل دیے گئے ۔ صاحبزادہ طارق اللہ صاحب جماعت اسلامی کے رہنما ہیں ۔انہوں نے حلف نامے کو غورسے دیکھ کربتایا کہ یہ تبدیلی کی گئی ہے ۔
سپریم کورٹ نے انکوائری کی کہ کون اس کا ذمہ دار ہے۔ انوشہ رحمان اور شفقت محمود ۔ان دونوں نے بڑی بھونڈی جسارت کی کہ اس عقیدے کو ختم کرنے کی کوشش کریں۔
تحفظ ختم نبوت کیوں ضروری ہے؟
اپنی آئندہ آنےوالی نسلوں کوتباہی سے بچانے کے لیے مضبوط کرنا ہے،اس عقیدے کونوجوان نسل کو گمراہ کرنے کی سازشیں تیارکررکھی ہے۔
ایسی حکومت ہوجو ختم نبوت کے محافظ ہو
اللہ نےنبی صلی اللہ علیہ والہ وسلم کی پوری سیرت کومحفوظ کیا ہے،اس میں تحریف نہیں ہوئی ۔ سنت واحادیث اورقرآن سب کی حفاظت اللہ نےاپنے ذمےلی ہے اور حضرت ادم علیہ السلام سے لے کر محمد صلی اللہ علیہ والہ وسلم تک کا شجرہ نسب آج تک محفوظ ہے۔ ختم نبوت پر حملہ ہواور ہم صرف درود پڑھتے رہیں یہ ممکن نہیں۔ ہمیں اس عقیدے کولےکراٹھناہے۔ اس کوقائم کرنا ہے،اس کوسمجھانا ہےاوراس کے لیے جان کی بازی بھی لگانا ہے۔
دو وجوہات ہیں جس کی وجہ سے مسلمان خاموش ہوجاتے ہیں ،اس عقیدے کی سلسلے میں نمبر ایک موت سے نفرت، نمبر دو دنیا سے محبت ۔
سورہ توبہ میں اللہ تعالی نے فرمایا کہہ دیجیے تمہارے باپ دادا،تمہارے گھرجو تمہیں بہت محبوب ہیں ، وہ تجارت جس کا تمہیں ہروقت دھڑکا لگا رہتا ہے،جس کے لیے تم خبرداررہتےہو۔ اللہ فاسقوں کو ہرگز ہدایت نہیں دیتا۔
سورہ اعراف کی آیت 157 اور 156 ترجمہ ہے
جو لوگ نبی پر ایمان لائے مدد کریں توقیر کریں وہی کامیاب ہیں۔ نبی کےمشن کو لےکرچلنا اس طرح دین کوغالب کرنے کی کوشش معاشرے میں رائج کرنا بھی بڑی عبادت ہے۔ ورنہ اپنے دعوے میں ہم ادھورے ہیں ۔ ایمان کی طاقت سے جھوٹےدعوے کرنے والوں کو جواب دینا ہے۔
الحمدللہ ہرمسلمان کا ختم نبوت پر ایمان ہے اور ہمیشہ رہے گا انشاءاللہ
