روشانہ جمیل
موبائل فون کے غلط استعمال سے اپنے بچوں کو بچائیں
اس مضمون میں، میں ایک ٹیکنک سےآپ سب کو آگاہ کرنا چاہتی ہوں جس کےذریعے آپ اپنےبچوں کی موبائل اسمارٹ فون نیز انٹرنیٹ کی سرگرمیوں کی نگرانی کرسکتےہیں۔یقیناً آپ کے گھر میں سات سےچودہ سال تک کے بچے ہوں گے۔ یہ ٹیکنالوجی کا دورہے۔اہل ایمان کی اکثریت نےاپنے بچوں کی ضد پر یا کسی اورمجبوری کے تحت ان کے ہاتھ میں اسمارٹ فون پکڑا دیا ہے۔ آپ اپنے بچوں کو کمپیوٹر، انٹرنیٹ اورموبائل (اسمارٹ فون) سے دور بھی نہیں رکھ سکتے،اس لیے کے عام حالات میں عموماً اور وبائی دور میں توخصوصاً آن لائن کلاسیس بچوں کےلیے منعقد ہو رہی ہیں۔ غرض تعلیمی سرگرمیوں کی بات کی جائے توموبائل اسمارٹ فون، انٹر نیٹ اور کمپیوٹر کا استعمال نا گزیر ہوگیا ہے۔
بچوں میں تجسس بہت زیادہ ہوتا ہے،جس کی وجہ سے وہ اپنےنفع نقصان سے بیگانہ ہوکر نیٹ کا استعمال کرتے ہیں۔ نیزاسکول کے بچوں میں کچھ بچے پراگندہ ذہنیت کا شکار ہوتے ہیں ،وہ ہر کسی بچے کو دعوت گناہ دیتےرہتے ہیں جو ہو سکتاہے آپ کے بچے کو بھی اپنی لپیٹ میں لے لے۔ غلط صحبت کےعلاوہ اور بھی بہت سے عوامل ہیں جو آپ کے بچے کا مستقبل تباہ کرسکتے ہیں۔اس سے پہلے کہ آپ کو شرمندگی اٹھانا پڑے ان غور کریں:
پلےاسٹور سے گوگل فیملی لنک فار پیرنٹس نامی اپپ کو ڈاؤن لوڈ کریں۔یہی ایپ اپنے بچے کےموبائل میں بھی ڈاؤن لوڈ کریں۔دونوں ایپ کو ایک ساتھ اوپن کریں۔ اپنے موبائل کونگران (سپروائزر) قراردیں۔ پھر جو ہدایات ملیں ان کو مرحلہ وار فالو کریں۔ اس ایپ کا فائدہ یہ ہے کہ آپ اپنے بچے کی موبائل سرگرمیوں سے متعلق حسب ذیل باتوں سے کسی بھی وقت آگاہ ہوسکتے ہیں:
اس نے کس ویب سائٹ کو اوپن کیا۔کس ویڈیو کو دیکھا۔دن بھرکتنی دیر وہ موبائل کے ساتھ چمٹا رہا۔ نیز ایک اور فائدہ اس ایپ کا یہ ہے کہ جب کبھی آپ کا بیٹا کوئی گیم / ایپ ڈاؤنلوڈکرنےلگے گا یا کسی بھی ویب سائٹ کو دیکھنے کیلئے ایکسیس کرنے کی کوشش کرے گا تو براؤزرپہلےآپ سے اجازت مانگے گا۔ غرض آپ جن ویڈیوز اور گیمز کی اجازت دیں گے۔آپ کا بچہ وہی ویڈیو یا گیم یا ویب سائٹ ایکسیس کر سکتا ہے.نیز آپ جب چاہے،کسی گیم یا ایپ کو جو آپ کے بچے کے موبائل میں ہے بلاک کر سکتے ہیں جوآپ کے بچے کے موبائل سےغائب ہو جائے گا،جب تک آپ کی اجازت نہیں ہو گی وہ نہیں کھول سکے گا۔
اسی طرح اپنے کروم براؤزر میں جاکر سیٹنگ میں جائیں اورسیف سرچ فلٹر میں جائیں اور فلٹر ایکسیلینٹ رزلٹس کو سلیکٹ کریں۔ اسی طرح ویڈیو میں ڈو ناٹ آتو پلے کو سیلکٹ کریں۔اسی طرح پلے اسٹور میں جائیں، سیٹنگ میں جائیں اورکنٹرول پرینٹل کو آن کریں۔
امید ہے اتنا کرنے سے آپ اور آپ کے بچےکا موبائل نامناسب موادسے پاک ہوجائےگالیکن اس سب سے زیادہ اہم یہ ہے کہ اللہ کا ذکرکثرت سے کیا جائے کہ وہی مومن کے لیے ہتھیار ہے۔ نیز دشمن جب کسی پر قابو پاتا ہے تو سب سے پہلے اس سے ہتھیار نیچے رکھنے کویا چھوڑنے کو کہتا ہے یا اسے حاصل کر لیتا ہے۔
شیطان کا جب کسی پرزور چلتا ہےتو وہ اسےاللہ کے ذکرسےغافل کرتا ہے جیسا کہ آج سارے عالم میں والدین کے لیے یہ بات لمحہ فکریہ ہے کہ وہ کس اپنے بچوں کی موبائل سرگرمیوں پرنظر رکھیں۔محزب اخلاق اور حیاسوز ویڈیوز اورگیمز سے بچوں کو کس طرح بچائیں؟ ان کے اوقات کی کس طرح حفاظت کریں؟ اس وقت سارے عالم میں عریانیت کا سیلاب آیا ہوا ہے۔آئے روز اخبارات میں اسکول کے بچوں کی حیاسوز خبریں آتی رہتی ہیں۔بچے تو کیا بڑے لوگ، عزیمت سے پہلو تہی کا شکار ہیں۔
شیطان کے مکر و فریب کو سمجھنے نیز اس سے بچنے کی توفیق نصیب فرمائے، ہمارے بچوں کے مستقبل کی حفاظت فرمائے اور ان میں آخرت کا شعور بیدار فرمائے۔ آمین۔
