طیبہ شاکر
نور خدا ہے کفر کی حرکت پہ خندہ زن
پھونکوں سے یہ چراغ بجھایا نہ جائے گا
جی ہاں! آج کل کچھ ایسی ہی حرکتیں کی جا رہی ہیں کہ جیسے وہ اللہ کے قانون سے ٹکرا کر کامیاب ہو جائیں گے معاذ اللہ۔ اللہ
پاک انسان کو ڈھیل دیتے ہیں شاید کہ وہ سدھرجائے، سنور جائے لیکن جب وہ ڈھٹائی پر آتا ہے تواس کا غضب بھی بھڑک اٹھتا ہے جیسا کہ آج ہم دیکھ رہے ہیں ہر طرف تباہی وبربادی کی داستانیں ہیں یہ اس کی تنبیہات ہیں ابھی بھی وقت ہے سنبھل جاو، سدھر جاؤ ایسا نہ ہو کہ اس کےغضب کا کوڑا ایسے برسے کہ پھر کہیں جائے پناہ نہ ملے اس وقت سے اللہ اپنی پناہ میں رکھے آمین یارب العالمین۔
دیکھنا یہ ہےکہ آخر آئےروز اللہ کا غضب کیوں بھڑک رہا ہے؟ہم سےایسی کون سی غلطی سرزدہوگئی ہے جس کا خمیازہ ہم بھگت رہے ہیں۔اللہ پاک نے فرمایا ہے کہ" یہ انسانی ساخت بدل دیں گے " آج ہم کیا کر رہے ہیں؟؟؟ہم الہی قانون کو بدل رہے ہیں، ہم قوم عمل لوط کے مرتکب ہو رہے ہیں وہ بھی باقاعدہ "قانون " بنا کر استغفراللہ۔
وہ تو بغاوت کر رہے تھےاللہ کے قانون کو توڑرہےتھے تو اللّہ ان پرکس طرح غضبناک ہواکیسےان کو صفحہ ہستی سے مٹا دیا کیا اس کے قانون کو توڑ کر ہم بچ جائیں گے ہرگز نہیں، آج ہمارے بھی سینکڑوں دیہات اور قصبے صفحہ ہستی سے مٹ چکے ہیں لوگ بے گھر اور بے در ہو گئے ہیں اگر اب بھی نہ سمجھیں گےتوکب سمجھیں گے؟
نبی صلی اللہ علیہ والہ وسلم کی دعا ضرورہےجس کی وجہ سےہم بچے ہوئے ہیں لیکن اللہ کریم نےخود فرمایا ہے کہ اگر تم نہ سمجھو گے تو تمہاری جگہ میں دوسرے لوگ لے آونگا اور وہ تمہاری طرح نہ ہونگے" ڈریں اس وقت سے جب ہم نیست و نابود کر دئیے جائیں اللہ نہ کرے۔
لیکن آج اگر ہم خاموش رہے، ہم نےاس غلیظ قانون کےخلاف آوازبلند نہ کی توسوچیں خاموش رہنے والوں کا انجام کیا ہوتا ہے وہ "ذلیل و خوار بندر " بنا دیئے جاتے ہیں۔اٹھیں اس سے پہلے کہ دیر ہوجائے اپنے حصے کا کام کر جائیں اللہ کے سامنے سرخرو ہو جائیں کہ نتیجہ تو اس نے اپنے ہاتھ میں رکھا ہے ہم سےتو صرف کوشش مطلوب ہے اپنے حصے کا چراغ جلا جائیں، اپنی سو فیصد کوشش کر جائیں پھر ہماری کوئی ذمہ داری نہیں نتیجہ اس کے ہاتھ میں ہے۔
75 سال ہو گئے اس ملک کو آزاد ہوئے کلمہ لا الہ کے نام پر حاصل ہونےوالے اس ملک میں " اللہ کا نظام تو کیا نافذ کرتے اس کے خلاف قانون سازی شروع کر دی " سود کی لعنت ہم ختم نہ کر سکے ، شراب ، جوا، زنا،بدکاری جیسی برائیوں میں مبتلا ہیں پھر بھلا یہاں اللہ کی رحمتیں کیوں کرنازل ہوں گی اللہ پاک تو فرماتے ہیں " تم میرا وعدہ پورا کرو تو میں تمہارا وعدہ پورا کرونگا " پھر کیسی آس اور امید۔ابھی بھی وقت ہے لوٹ آئیں کہ اس کا دامن رحمت "وا " ہے۔ وہ جلدی مان جاتا ہے۔ آئیں اس رب کو منا لیں جو ہم سے ستر ماوں سے زیادہ پیار کرتا ہے ۔
اٹھو وگرنہ حشر نہ ہو گا کبھی
دوڑو زمانہ چال قیامت کی چل گیا
