صبا احمد
خوراک انسان کی جسمانی ضرورت ہےاورروح کی ضرورت اس کی دینی ودنیاوی تعلیم ہے۔ جماعت اسلامی دونوں ہی مہیا کرنے کی جستجو میں ہے۔
سماج میں رہنے کےلیے روزگار یا ہنراسی علم کی بدولت حاصل کیاجاتا ہے ۔ جماعت اسلامی کا فلاحی ادارہ الخدمت فاؤنڈیشن جہاں لوگوں کو طبی سہولتیں مہیا کررہا ہے،وہاں آغوش ہوم ،کفالت یتامیٰ کے ساتھ تعلیم وتربیت کے میدان میں بھی خدمت انجام دے رہاہے ۔ مری میں یتامیٰ کالج کا قیام خدمت کے اسی سلسلے کی کڑی ہے۔
کم پڑھے لکھے،ہنر مند بے روز گار افراد الخدمت سے مواخات پروگرام کے تحت بلاسودچھوٹے قرضے حاصل کرسکتے ہیں تاکہ اپنےخاندان کی کفالت کرسکیں ۔مہنگائی ،بے روزگاری اور مشکل حالات میں الخدمت نے بنو قابل کے نام سے مفت آئی ٹی کورسز کروانے کا بھی بیڑا اٹھایا ہےاور پہلے مرحلے میں 10 ہزار بچوں کو مفت آئی ٹی کورسز کروائے جا رہےہیں ،جبکہ اس کا دوسرا مرحلہ آئندہ ماہ ستمبرمیں شروع ہونے والا ہے۔
اس پروگرام نے کراچی کے نوجوانوں کو امید دی ہے کہ وہ آگے بڑھ کر ترقی کر سکتے ہیں ۔حکومت آئی ایم ایف سےقرضے لےکراپنےخزانے بھررہی ہے۔ بجلی ، گیس پانی کے بلوں اور اشیائے خورونوش کی قیمتیں روز بروز بڑھ رہی ہیں۔غریب عوام کا جینا مشکل ہوگیاہے۔غریب مایوسی کا شکارہے کہ وہ کیسے گزاراکرے ۔ بچوں کو کہاں سے کھلائے اور پڑھائے ۔
ایسے میں الخدمت حقیقت میں لوگوں کی خدمت کررہی ہے،نوجوانوں کو تین اورچھ ماہ کے آئی کورسز سکھا کرانہیں کمانے کے قابل بنا نےکی جدوجہد کی جارہی ہے ۔ویب ڈیولپمنٹ،فری لانسگ،ایب ڈیولپمنٹ ،ایمازون ،گرافکس ڈیزاننگ کے کورسز مفت کروائے جا رہے ہیں جبکہ سیشن ٹوپوائنٹ زیرو میں ان کورسز کی تعداد بڑھا کر 15 کردی گئی ہے ۔ یہ آئی ٹی کورسز سکیھ کر نوجوان 50 ہزار روپے اوراس سے زیادہ کماسکیں گے۔ یہ اس پروگرام کی بڑی کامیابی ہے کہ بہت سے بچوں نے دوران تعلیم اسکل حاصل کر کےکمانا بھی شروع کردیا ہے۔الخدمت کامقصد انہیں اپنے وطن میں رہ کر کمانے کیلئے ان کا حوصلہ بڑھانا اورانہیں روشن راہ دکھانا ہے۔
نئےکالج یونیورسٹیزبناناحکومت کا کام ہے،حکمران اقتدار کےنشےمیں ہیں ،پاکستانیت اور وطنیت کے یہ معنی بھی نہیں جانتے۔ یہ گدھ بنے ہوئے ہیں جو عوام کو نوچ رہے ہیں ۔جماعت اسلامی ملک کی واحد جماعت ہے جو ہرمحاذ حکومت میں نہ ہونے کے باوجود قوم کے ساتھ ہے ،اسے اب اپنی آنکھیں کھولنی چاہیں ۔
