عریشہ اقبال
وہ منظر سوچ کر بھی ایک لمحےکے لیے دل دہل سا جاتا ہے جب کوئی سایہ نہ ہوگا سواے اللہ کے عرش کے سائے کےحب رسول کے دعویدار ہیں
ہم !اسلام کے علمبردار ہیں ہم !میں پوچھتی ہوں کونسےنظام کی بات کرتے ہیں، ہم کیا واقعی اسلامی انقلاب لانے کے خواہش رکھنے والوں کے ایمان اتنے سستے ہوچکےہیں کہ وہ معصوم بچوں کے خون سے اپنے ہاتھ رنگنے میں کوئی ہچکچاہٹ محسوس نہیں کرتے اور ان کے اندر موجود ضمیرکی آواز کوغفلت کی اتنی گہری نیند سلادیا گیا ہےکہ اسے موت سے تعبیر کرنا غلط نہ ہوگا ۔ یہ برانڈ جس کا نام شنگریلا ہے۔
جی ہاں ہمارا پاکستانی برانڈ اور پاکستانی کمپنی نہ صرف اسرائیلی برانڈ ڈومینوز کی حمایت کررہا ہے بلکہ کو برینڈنگ کے ذریعے ڈومینوزکی اشیاء کی بھرپورپیکجنگ کرکے ان اشیاء کو اپنا نام دےرہا ہےجب میری گناہگار آنکھوں نے یہ منظر دیکھا تو اللّٰہ کے رسول صلی اللّٰہ علیہ وآلہ وسلم کی اس حدیث کا حقیقی مفہوم سمجھ آیا کہ میری امت کی آزمائش میں سے ایک مال و دولت بھی ہوگی ۔ آج تو آپ اسلام کے سچے علمبردار ہونے کا دعویٰ کرکے امت کو دھوکا دے سکتے ہیں مگر یاد رکھیے اسلامی انقلاب محض دعوؤں پر مشتمل ہوتا تواحد میں ہمارے پیارے نبی صلی اللّٰہ علیہ وآلہ وسلم کا چہرہ زخمی نہ ہوا ہوتا ۔ لہٰذا نیکی کی صورت میں بھی شیطانی شکنجوں سے خود کو بچائیے اور کچھ نہیں کرسکتے تو امر باالمعروف ونہی عن المنکر کے تین تقاضوں کو یاد رکھیے ۔ہاتھ سے روکیے ،ہاتھ سے ممکن نہ ہو تو زبان سے روکیے اور اگر وہ بھی ممکن نہ ہوسکے تو دل میں برا جانیےاور یہ ایمان کا سب سے چھوٹا درجہ ہے ۔
آگاہ رہیے!روزمحشر سارے پردے اٹھا دیےجائیں گے اور میرااور آپ کا سامنا نبی کریم صلی اللّٰہ علیہ وآلہ وسلم سے براہ راست ہوگا۔ ان کی شفاعت کی امید بھی اسی صورت میرے اور آپ کے لیے جائز ہےجب ہمارا ان سے محبت کا دعویٰ سچا ہوگا ۔ ہمارا عمل اخلاص پر مبنی ہوگا۔ حماس کے طوفان الاقصیٰ آپریشن پر تنقید کرنے والےان نام نہاد مسلمانوں کو بھی میرا یہ پیغام ہے کہ خوشخبری ہےان مجاہدینِ اسلام کے لیے کہ وہ اپنی جانیں عشقِ رسول اورحب الہیٰ کی خاطر قربان کررہےہیں۔
ان کےایمان خدا کے نور سے جگمگا رہے ہیں اوروہ بارگاہ اقدس میں سرخرو ہیں ۔الحمدللہ ،مگرآج ہماری امت کی مجموعی حیثیت نہایت شرمناک ہوچکی ہے کہ ہمارے اپنے مسلمان بھائیوں کی کمپنیاں اللّٰہ کا فضل تلاش کرنے کے بجاۓ اس کے غضب کو دعوت دے رہی ہیں ۔
اللّٰہ تعالیٰ ہم سب کو راہ حق میں اپنا بہترین کردار ادا کرنے کی توفیق عطا فرمائے اور اپنی رحمت خاص سے ہمیں بائکاٹ اور اسرائیل کی مخالفت پر کمر بستہ رہنے کی قوت عطا فرمائے آمین یا رب العالمین
نوٹ : ایڈیٹر کا بلاگر کے خیالات سے متفق ہونا ضروری نہیں ( ادارہ رنگ نو )
