بنت خلیل
ہزاربہانے ہوتے ہیں کچھ نہ کرنےکےالبتہ جس نےکرنےکا ٹھان لیا ہوتا ہےوہ ان کی پروانہیں کرتا کیونکہ یہ تھکاوٹیں ، محنتیں انسان بھول جاتا ہےجب
منزل مل جاتی ہے۔
اسی طرح ایک پردہ کرنےوالی لڑکی ہزار بہانوں کےباوجود پردہ کرتی ہے،جیسے کہ وہ بہانہ کرسکتی تھی، منہ پر الرجی ہو جائے گی،گرمی لگے گی،مشکل کام ہے، رشتے نہیں آئیں گے اورسب سے بڑھ کر رشتےدار کیا کہیں گے ؟؟؟مگر نہیں جس نے اللہ کے حکم پر عمل کرنا ہوتا ہے وہ کرتا ہے ، چاہے اس کے لیے کانٹوں پر ہی کیوں نہ چلنا پڑے اور تاریخ بھری پڑی ہے ایسی مثالوں سے۔۔۔کسی نے جاڑے کی سردی میں اپنی بیماری کے باوجود ٹھنڈے پانی سے وضو کر کے بغیر کسی چوں و چرا کے نماز پڑھنی ہوتی ہے تو کوئی بس اللہ کی محبت میں اپنی نیند کی قربانی بھی نہیں دے پاتا۔۔۔یہ تو بس اپنا اپنا ایمان ہوتا ہے۔۔ویسے بھی اللہ نے کہا ہے تمہارے ساتھ وہی ہوگا جو تم گمان کرو گے۔۔۔
کسی کے لیے نمازشفااور کامیابی کا باعث بنتی ہے تو کوئی جو سوچ لے کہ نماز پڑھنےسےمیرے گھٹنوں میں درد ہوتا ہے،یا پھر نماز فجر کے لیے اٹھنےپر نیند نہ پوری ہونے سے میری طبعیت خراب ہوتی ہےیا پھرنماز کے لیے جاؤں گا تو کاروبار میں نقصان ہوگا۔۔۔
بھئی یہ تو ہم سوچتے ہیں ہمارے اللہ نےبھی تو کچھ سوچ کرہی نماز میں کوئی معافی نہیں رکھی اورفرما دیا کھڑے ہو کرنہیں پڑھ سکتے،بیٹھ کر پڑھو، بیٹھ کر نہیں تو لیٹ کر،سفر میں نماز قصرادا کرو اور تو اورجنگ کی حالت میں بھی نماز چھوڑنے کی گنجائش نہیں رکھی ۔۔۔
کیا اللہ کو نہیں پتا تھا ہمارے مسائل کا؟؟؟
کیا پھر وہ ظالم ہے مشقت طلب کام کرواتا ہے؟؟؟
نہیں بلکے ہمیں اللہ کی حکمتیں نہیں معلوم ناں ۔۔۔ مشکل کام کریں گے تو جنت میں آسانیاں ہوں گی۔ایک ماں زبردستی بچے کو سکول اس لیے ہی بھیجتی ہےکہ بعد کی اس کی زندگی میں آسانیاں ہوں ،اس میں اسی کا فائدہ ہوتا ہےحالانکہ وہ ماں انسان ہی ہےمستقبل سے ناواقف ہے مگر اللہ وہ تو سب جانتا ہے کہ ہمارے لیے آگے کیا رکھا ہے؟؟؟
کہاں کہاں ہمارا فائدہ ہے ؟؟؟
کیا ہماری نماز سے اللہ کو فائدہ ہوگا؟؟؟
اگرعبادت ہی کروانی ہوتی فرشتوں سے کروالیتا انسان کو کیوں پیدا کیا؟؟؟
بس میں یہ کہنا چاہتی ہوں ، ہم مسائل کو سبب بنا کر اللہ کے حکم کو پس پشت نہیں ڈال سکتےبلکہ جب بھی شیطان اور نفس اللہ کے حکم پر عمل کرنے میں رکاوٹیں پیدا کرنے کی کوشش کرے تو فوراً سوچیں کیا اللہ کی بارگاہ میں یہ عذر قابل قبول ہوگا یا نہیں؟؟؟
