ایک ترقی کے متلاشی بچے کی زندگی کی کہانی
ضیاء الرحمن غیور
وہ صبح سے کچرہ چننا شروع کردیتا تھابعض اوقات رات بھر وہ ایسی جگہ جہاں زیادہ کام والا کچرہ ملے وہ چنتا تھا۔ خطرہ انسانوں سے بھی ہوتا ہے اوران شیطان بچوں سے جو
طاقت ور ہونے کی وجہ سے کسی کودوسرے دورداراز علاقے میں جانےپرمجبورکرتے تھے۔ عبداللہ کی عمر گیارہ سال تھی قدکا ٹھ بھی نکلتا ہوا تھا، موٹا نہیں تھا لیکن ہڈیاں سخت جان تھیں ، اس کا کسی کو ایک مکا ہی ہوش ٹھکانے لگانے کے لیےٗ کافی تھا۔ وہ اپناکام سمجھ داری سے کرتا تھا۔کچرےکے ٹھیکے دارسے اس کا تعلق اچھا تھا اوربھی ٹھیکیدے دار تھے مگر وہ اپنا کچرہ صرف اسے فروخت کر تا تھا۔وہ بھی اس کاخیال رکھتا تھا۔ جس جگہ وہ کام کرتا تھا کسی اور کو نہیں جانے دیتا تھا۔ عبداللہ کی گوری رنگت تھی۔ بال بڑے رکھتا تھا۔ اسے اس کے ساتھی ہیرو کہتے تھے۔بہت خوش زبان تھا۔ ہر ایک سے اپنا کام نکال لیتا تھا۔ اسے یہ کام کرتے ہوےٗ ایک سال ہوگیا تھا۔ اس کا اس کام سے اب دل بھر گیا تھا گندگی بہت تھی۔پیسے بھی اس کی مرضی کے نہیں تھے۔ اس نے اس شہر میں ایک بوٹ پالش والے سے دوستی کی۔ جس سے مسجد میں نمازپڑھنے کے دوران واقفیت سے ہویٗ تھی۔اس کی دوکان چوراہے پر تھی۔ عبداللہ نے اس سے دوکان میں کام کرنے کے شوق کا اظہار کیا۔ اس نے کہا کہ ٹھیک لیکن میں تمہیں زیادہ پیسے نہیں دوں گا۔ ہاں لیکن کام ضرور سکھا دوں گا۔وہ جو پیسے دے رہا تھا وہ کچرے سے زیادہ تھے۔اس نے دکان کے مالک جس کانام موسیٰ تھا اس سے کہا کہ آپ ظہر کے وقت مسجد میں مولوی صاحب سے قران پاک پڑھنے کا وقت دے دیا کریں۔وہ بہت خوش ہوا اوراجازت دے دی۔وہ بہت محنتی لڑکا تھا ا،س نے دکان پر بہت محنت سے کام کیا۔ دکان کی آمدنی بہت ہوگیٗ۔ اس کے پیسے موسیٰ دکان کے مالک نے بڑھائے لیکن وہ اس کی خواہش کے مطابق نہیں تھے۔اس نے یہاں سے دور ایک مسجد کےقریب ایک بڑا درخت تھامسجد کمیٹی کی اجازت سے وہاں درخت کے نیچے دکان کھول لی۔وہ روزانہ اردگرد کی ایک بڑی جھاڑو سے صفای کر دیتا تھا سب خوش تھے۔اب ہر نماز مسجدسے پڑھ سکتا تھااور قران پاک بھی۔مسجد کے نوجوان اس شیریں زبان عبداللہ جو بہت خوبصورت تھا اس کے گردیدہ ہوگئے ۔اس نے انہیں بتلایا کہ میں نے پرائمری تک پڑھا ہے۔ اب قرآن پاک پڑھ رہا ہوں۔ آپ کے تعاون سے چھٹی جماعت کی تیاری کرکے اس کا امتحان بھی دوں گا۔ اس طرح میں اپنی تعلیم مکمل کروں گا۔دوست دل وجان سے تیار ہوگئے،وہ انکار کے باوجود مسجد کمیٹی کے ممبرز کے جوتوں کا سارا کام بغیر پیسے لیے کرتا تھا۔دوستوں اوروہ دوست جو اس کی تعلیم میں ساتھ دے رہے تھے۔ انہوں نے اس سے مفت جو توں کا کام کروانے سے انکار کردیاتھا۔مسجد کے مولانا ایک بڑے عالم تھے۔ وہ بھی عبداللہ سے بہت پیار کرتے تھے۔ انہوں نے بھی اس سے کہہ دیا تھا تم اسکول کی تعلیم شروع کرچکے ہو۔ میں تمہیں مدرسے کی تعلیم دوں گا اورمولوی ،عالم فاضل بناؤ ں گا ان شاء اللہ۔
عبداللہ ایک نیک لڑکا تھا،اللہ نیک لوگوں کوپسند کرتا ہے۔اس کے لیےاللہ نےکامیابی کےراستےکھول دیے تھے۔ اس کے دکان کی آمدنی کافی اچھی تھی۔ اس نے مسجد میں ایسے بچوں کو دیکھا جن کے ماں باپ غریب تھے۔ اس لیے ان کے بچے پڑھ نہیں سکتے تھے۔اس نے ان کے والدین کو سمجھایا کہ دیکھو کوئی کام حلال روزی کمانے کا برا نہیں ہوتا۔آپ کے بچے میرے پاس کام سیکھنے کے لیے آئیں۔ میں انہیں کچھ پیسے بھی دوں گا اورکام کے دوران اسکول جاکر پڑھنے کا موقع بھی دوں گا۔سب والدین خوش ہوگئے اورانہوں نے اپنے بچوں کو اس کے پاس کام کرنے کے لیے بھیجنا شروع کردیا۔ وقت کے ساتھ دکان پر کام کرنے والےاب اچھے کاریگر بن چکے تھے۔پڑھائی بھی خوب ہورہی تھی۔ان کو اتنے پیسے ملنے لگے تھے کہ اپنے گھرکی آمدنی میں ہاتھ بٹانےلگے تھے۔ان کے والدین عبداللہ کو دل سے دعائیں دیتے تھے۔
عبداللہ مولوی عالم وفاضل اورایم اے بھی کر چکا تھا۔ایک دن مسجد اورمدرسے کے بزرگ عالم نے عبداللہ کو اپنےپاس بلایا اورکہابیٹا میں تم سے بہت خوش ہوں۔ تم ایک نیک نوجوان ہو میں تمہیں ایک انعام دینا چاہتا ہوں اگر تمہیں اچھالگے۔ انہوں نے کہا میرے چھوٹے بھائی خودایک بڑے مدرسے میں پڑھاتے ہیں۔ان کی ایک ہی بیٹی ہےجو عالمہ ہے اوربی اے کرچکی ہےاوربہت خوبصورت ہے۔ میں چاہتا ہوں تم اس سے شادی کرلو۔ پہلی دفعہ لوگوں نے عبداللہ کو ہچکیوں سے روتے دیکھا۔اس نے عالم صاحب کے ہاتھ چوم لیے اورکہا اب تک میں اپنی تنہائی کو چھپا رہا تھا لیکن آپ نے مجھے ایک نئی زندگی دے دی جس کا میں کبھی احسان نہیں اتارسکوں گا۔ عالم صاحب نے کہا کیسا احسان تم ہمار ے بچے ہو۔شادی طے ہوگئی ،لوگ اس طرح خوش تھےکہ یہ ان گھر کی شادی ہے۔ عبداللہ نے فورا ایک کشادہ اوراچھا گھر خریدا اس میں دوبڑی دکانیں تھیں۔ ان کو توڑ کرایک بڑی دکان بنادی ۔اسے بڑے جنرل اسٹورکی شکل دے دی۔ یہ اس علاقے کاسب سے بڑاجنرل اسٹور تھاجس میں تمام سامان رکھاگیا تھا۔ ایک دن سادگی سے عبداللہ کی شادی ہوگئی وہ بہت خوش ہے۔ اس نے مسجد کی دکان کوبھی و سعت دے دی ہے لیکن وہ نگرانی خود کرتا ہے، یہ صدقہ جاریہ ہے۔ اس سے بچوں کا روزگار وابستہ ہے۔ وہ بازار میں بھی ایسی دکان کھولے گا ۔اس میں بوٹ پالش کا کام سیکھ کر بچے اپنا مستقبل اچھا بناسکتے ہیں۔ کوئی ہنر چھوٹا یا حقیر نہیں ہوتا۔
