زین صدیقی
ملک بھر میں کرونا وائرس کی وبا کا شور ہے اور لوگ خوف میں مبتلا ہیں ۔کرونا وائرس کا مسئلہ دنیا کے151ممالک کو درپیش ہے
۔عالمی ادارہ صحت اسے ”عالمی وبا“ قرار دے چکا ہے جبکہ اس کی روک تھام کے کیلئے دنیا کے تمام متاثرہ ممالک سر توڑ کوششیں کر رہے ہیں ۔
پاکستان میں کرونا سے متاثرہ افراد کی تعداد 137ہو چکی ہے جبکہ ایک شخص کی موت کے منہ میں جا چکاہے ۔کرونا کے زیادہ تر کیسز بیرون ممالک سعودی عرب ،ایران اور برطانیہ سے وطن آنے والوں میں تصدیق کے بعد سامنے آئے ہیں ۔اس صورتحال میں حکومت پاکستان ،حکومت سندھ ،دوسرے دوصوبوں اور آزاد کشمیر کی حکومتیں اپنی ذمہ داری پوری کر رہی ہیں ۔
کرونا وائر کے بارے میں کہا جا رہا ہے کہ یہ موسم سرما کا وائرس ہے جو گرمی کی آمد پرختم ہو جائے گا ۔دنیا بھر میں اس وائرس سے اب تک ساڑھے پانچ ہزار سے زائد اموات ہو چکی ہیں، جبکہ ڈیڑھ لاکھ سے زائد لو گ متا ثر ہیں ۔اس وقت پاکستان اور پڑوسی ملک انڈیا کو بھی اس کا سامنا ہے ۔کرونا وائرس اس وقت دنیا کا ہاٹ ایشو بنا ہو اہے ۔
پاکستان میں لوگوں میں کرونا سے متعلق شدید تشویش پائی جاتی ہے ۔عوامی پارکس بندہیں، شادی کی تقریبات ختم اورشادی ہال تاحکم ثانی بند کر دیئے گئے ہیں ،اسکولوں میں مو سم گرما کی قبل از وقت تعطیلات دے دی گئی ہیں ،اجتماعات کے انعقاد پر پابندی عائد کردی گئی ہے ۔
عوام کو رش والی جگہوں پر جانے ،ہاتھ ملانے ،لوگوں سے قریب ہو کر گفتگو کر نے ،بغل گیر ہونے ،سے اجتناب کرنے،جبکہ مساجد میں فرض نماز بڑھ کر وہاں سے فوری گھروں کو جانے کیلئے بھی کہا گیا ہے ۔بعض سرحدوں کو بند کرنے ،سفری پروازیں بند کر نے سمیت دیگر کئی اقدامات کیے گئے ہیں ۔
دنیا بھر میں جہاں کہیں بھی ایسی صورتحال درپیش ہوتی ہے ،وہاں ممالک اپنے لوگوں کے بچاو ¿ کیلئے اقدامات کر تے ہیں ،یہ ضروری بھی ہے اور حکومتوں کا فرض بھی ہے، لیکن چونکہ یہ مرض دنیا بھر میں ایک ساتھ وارد ہوا ہے ،اس سے وائرس سے چین میں اموات کی جوشکل یعنی متاثرہ شخص کا کھڑے کھڑے چکر ا کر گرنا اور بغیر علاج کے موت کے منہ میں چلے جانالوگوں میں شدید خوف کا سبب بناہے ۔
ماضی میں نمونیہ کا بڑا خوف تھا ،گزشتہ دودہائیوںکے دوران انتہا ئی خوف ناک امراض سامنے آئے ہیں جو ہمارے خیال میں اس سے بھی زیادہ خوف ناک تھے ۔پاکستان میں ان دو دہا ئیوں میں ڈینگی وائرس ،سوائن فلو ،کانگو وائرس ،نگلیر یا ،چکن گونیا اور دیگر کئی امراض سامنے آچکے ہیں،جن میں چکن گونیا کے علاوہ دوسرے تمام امراض نے اپنے وقتوں میں لوگوں کو خوب خوف کا شکار کیا ہے ۔
سال 2020میں دنیا میں ماحول کو صاف ستھرا رکھنے کے بعد اب اپنی ذات کی صفائی کا خیال رکھنے کی بات آچکی ہے ،جبکہ اسلام نے تو 14سو سال پہلے صفائی کو نصف ایمان قرار دیا تھا ۔ماحول کو صاف رکھیں یا گھر کو یا پھر اپنی صفائی کی بات ہو تمام صفائیاں اسی ایمان کا جزہیں ۔
ماہرین کا کہنا ہے کہ کھانسی کا ہونا ،ہلکا بخار،نزلہ اور گلے میں دردکروناوائرس کی علامات ہیں ۔کرونا کے بارے میں بہت سی احتیاطی تدابیر بتائی جاچکی ہیں۔ مثلا ً ہاتھ بار بار دھوئیں،ماسک کا استعمال کریں ،مجمع میں نہ جائیں،چھنکنے میں احتیاط برتیں،کسی سے قریب ہو کر بات نہ کریںوغیرہ۔
کرونا کی وجہ سے لوگوں میں جہاں خوف ہے وہا ں غذائی قلت کا تاثر بھی دیا جارہا ہے ،یہی وجہ سے کہ شہر کے بڑے سپر اسٹورز پر لوگوں کو رش دکھائی دیے رہا ہے ،بعض لوگ اشیا ذخیرہ کرنے کی بھی باتیں کر رہے ہیں جو بالکل غلط ہے۔تاہم حکومت کی ذمہ داری ہے ایسی افواہوں سے متعلق بھی عوام کو اعتماد میں لے اور اس صورتحال سے اشیا گوداموں میں ذخیرہ کرنے والوں کی بھی کسی ممکنہ چال سے آگا ہ رہے ۔
دنیا میں امرض آتے جاتے رہتے ہیں ،یہ اللہ کی طرف سے ہمارے لیے آزمائش ہے ۔لوگوں کو چاہیے کہ وہ صورتحال سے گھبرانے اور خوف زدہ ہونے کے بجائے احتیاطی تدا بیر اختیار کریں ۔
